Mala Lengua  
 
AfroCubaWeb
  Home - Portal | Music - Música | Authors - Autores | Arts - Artes 
  Site Map - Mapa del Sitio | News - Noticias | Search ACW - Buscar en ACW 
 
  Mala Lengua
 








Reforma Agrario I Peska I nos SEU
Eugène Godfried
Antiguo Presidente di Koperativa di Agrikultornan di Kòrsou
Espesialista di Karibe/periodista/trahadó social kultural komunitario/outor
Korsou, 17 di mart 2008



Pueblo di Kòrsou ta rekòrdá ku mas ku binti aña pasá un grupo di agrikultornan konsiente a uni forsa pa eksigui kambionan struktural i duradero den sektor di agrikultura, krio di bestia i tambe peska. Kalidat di bida i kondishon di trabou pa esnan aktivo den e sektornan aki tabata den sumamente mal estado. Importashon di produktonan ku nos mes por produsí tabata na orden di dia, E servisio di gobièrnu L.V.V. (Agrikultura, Krio di bestia i Peska) tabata un 'muska morto'.

E sistema politiko dominante den nos pais ta sostené e situashon desigual i desfaborabel aki ku ta sofoká i kaba ku eksistensia di nos plantadónan, kriadó di bestia i tambe piskadónan.

E sistema politiko dominante te ku awor - intenshonalmente -nunka kier a stipulá un maneho ni polítika di agrikultura, krio di bestia i peska  ns benefisio di agrikultornan, piskadonan I nos pueblo.

Al kontrario, nan huntu ku e élite dominante ku ta konsistí di importadornan i otro komersiantenan  finansiero akompañá pa nan kompinchinan misterioso a abri guera kontra di agrikultornan i pueblo di Kèrsou. Un bèrdadero orkan den glas di awa!!

Nan meta tabata mantené privilegionan pa representantenan di Gran Kapital aki den nos pais, ku ta esnan ku ta korompí  e sistema politiko manera nan kier. No ta importá ni interesá nan estado di bienestar sosial, kultural, ekonómiko, edukashon ni salú di nos pueblo. Nos pueblo ta masha konsiente di e realidat aki i sa kon e sektornan ei ta operá.

Awe mas ku binti aña despues, piskadónan meskos ku plantadónan komo kriadónan di bestia i hinter pueblo di Kòrsou ta pará dilanti mesun situashon di krísis i kaos ku ta asotá nos tur den nos pais. Situashon ta peor mes. Miles di persona a pèrdè trabou. Sistema di enseñansa putri produsiendo kantidat di hobennan den ku ta aktivo den zona di kriminalidat. Tur skolnan di agrikultura a disparsé I tambe internadonan ku a a prepará hubentut den diferente fishi a keda destrui manera Brakapoti, Skèrpènè I San Fernando.  Kantidat grandi di hobennan I otro sektornan di nos pueblo a buska refugio na Hulanda I otro paisnan. Un kantidat importante di nos hobennan ta buska salbashon den konsumo di droga. Pa motibu di importashon di komestibel konservá tantu salgá komo kargá ku suku, trahadornan di salú ta mustra nos ku kasonan di enfermedatnan manera preshon haltu, diabetes, kolesterol, problema di nir (renal) I hasta kanser a oumentá dramatikamente den nos pueblo.

Klasenan elitista dominante ta ehersiendo un berdadero guera i genosidio kontra nos agrikultornan, piskadánan i hinter nos pueblo.

Ta bon reskatá nos balornan kultural ku tin sentenares I miles di aña di eksistensia manera nos manifestashon kultural festivo di orígen afrikano yamá seǘ.

Pero, tambe laga nos ku gran konsiensia I den ambiente di nos seǘ un bes mas retomá yamada i posishon firme ku apróksimadamente binti aña pasá Pastor Rudy Lampe huntu ku agrikultornan i nos pueblo a ekspresá den Iglesia Kristu Bon Wardadó na Koral Specht. Den bos uní i fuerte nos ta eksigui:

REFORMA AGRARIO I PESKA AWOR I NO MA ÑAN!!!!!!!
E LUCHA TA SIGUI!!!

Eugène Godfried
Antiguo Presidente di Koperativa di Agrikultornan di Kòrsou
Espesialista di Karibe/periodista/trahadó social kultural komunitario/outor
Korsou, 17 di mart 2008

  

top

Links

Reforma Agrario I Peska I nos SEU, 7/3/08

Abolition & Liberation In Curaçao , 7/06   Abolishon i Liberashon na Korsou, 7/06 (Papiamentu)

20 Years Agrarian & Fisheries Reform Call In Curaçao  7/12/06  20 Aňa Reforma Agrario I Peska, Papiamentu, 7/12/06

Contacting AfroCubaWeb

Electronic mail
acw_AT_afrocubaweb.com [replace _AT_ with @]
[eugenegodfried/_private/textbar.htm]
Copyright © 1997 AfroCubaWeb, S.A.